鋰系電池分為鋰電池及鋰離子電池，雖然只係相差‘’離子‘’兩個字，但係兩者係性能表現上相差比較大，現時手機及平板電腦已多數採用鋰離子電池供電，鋰電池因為安全性及穩定性問題，基本上唔會出現係日常電子產品入面。而鋰離子電池能量密度大，平均輸出電壓高，自放電損耗小，無記憶效應（呢個比較重要），工作溫度範圍係-20℃～60℃左右，循環性能較好、可以快速充放電，充電效率可以高達100%，因此成為現時手機、MP4、相機等設備之主流供電電源。

對於手機新電池第一次充電時長，坊間一直盛傳首次充電時間要超過12個鐘，同時要進行三次，以確保電池最佳狀態，實際上並唔科學，上述坊間傳言其實係針對於鎳電池（多見於以前老式手機所使用之鎳鎘或鎳氫電池）之記憶效應，對於鋰離子電池時代已是不合時宜之做法，相反，對鋰離子電池進行過度充電過度放電都會令到鋰離子電池壽命大大減少，所以不應該對鋰離子電池進行超過十二個鐘超長充電，最好參閱手機包裝隨附之說明書進行充電。

綜上，我哋手機平時使用可以參閱以下幾點進行：

1、鋰電池並不需要以特別的方式進行啟動，一般係出廠果陣已經啟動，如果一定要“前三次每次充12個鐘長充電啟動”，其實都唔會有太大效果；

2、手機電池一般充電2-4個鐘就會充滿，隨充隨用，唔好充8-12小時以上，咁樣對電池有害無益；

3、手機電量在20%以下，收到手機電量提示過低時，應該及時充電，以避免電池過度放電，影響電池壽命。